لەدرێژەی چالاكیەكانی گروپی پێكهاتە و ئاوارەكانی كۆڕبەندی كۆمەڵایەتی كوردستان/ رێكخراوی مەسەللـە بەهاوكاری یەكێتی ئەوروپا و رێكخراویUPP، بەهەماهەنگی رێكخراوی كەونار ژمارەیەك چالاكی لەژێر دروشمی (چۆنیەتی پاراستن و نۆژنكردنەوەی شوێنەوارە دێرینەكانی پێكهاتەكان لەهەرێمی كوردستان) ئەنجامدا.
چالاكییەكە لەچوار قۆناغ پێكهاتبوو بەم شێوەیە:-
قۆناغی یەكەم: هاشتاگ لەسۆسیال مێدیا
لەم قۆناغەدا هاشتاگی تایبەت لەتۆڕەكانی كۆمەڵایەتیدا دروستكران و بڵاوكرانەوە بەئامانجی زیاتر هۆشیاركردنەوەی هاوڵاتیان و لایەنە بەرپرسیارەكان لەشوێنەوارە دێرینەكان.
قۆناغی دووەم: كۆكردنەوەی واژوو
لەم قۆناغەشدا ژمارەیەك واژۆی هاوڵاتیان لەچین و توێژە جیاوازەكان كۆكرانەوە دەربارەی پێویستی نۆژەنكردنەوەی شوێنەوارە دێرینەكان لەهەرێمی كوردستان.
قۆناغی سێیەم: دروستكردنی پرۆشەر بۆ هۆشیاری خەڵك
لەم قۆناغەدا ئەو بڕوشەر و بڵاوكراوانە دروستكران و گرنگی شوێنەوارەكان بۆ هاوڵاتیان رونكرانەوە.
قۆناغی چوارەم: پانێل
لەم قۆناغەدا پانێلێك لەشاری هەولێر بۆ ژمارەیەك لەشارەزایان و لایەنە پەیوەندیدارەكان رێكخرا دەربارەی (چۆنیەتی پاراستن و نۆژنكردنەوەی شوێنەوارە دێرینەكانی پێكهاتەكان لەهەرێمی كوردستان)