درێژی پێدان د کار و چالاکیێن ئەنجومەنێ گەنجێن سەرکردە ل قەزا سێمێل توندو تیژی و ژێک ڤەبونا ھەڤژینا ھاتە تاوتێ کرن ب بەشدار بونا ژمارەک ژ بەرپرسێن حکومی و چالاکڤان و ھاولاتیێن دەڤەرێ.
ئەڤ چالاکیە ب بەرچاڤ کرنا رێنمایێن تندروستی و خوپاراستنێ ژ ڤایروسێ کرونا ٢٠٢١-١-٢١ ل ھولا رەوشەنبیری و ھونەرێ ھاتە ئەنجام دان سەرەرای ئامادەبونا ژمارەک ژ بەرپرسێن حکومی د ھەمان دەم دا چالاکڤان و گەنج و نینەرێن دام و دەزگەھێن حزبی و رێکخراو ئامادەببون.
د چالاکیێ دا ژلایێ کەسێن شارەزا و خودان ئەزمون یێن دەڤەرێ بابەتێ توندوتیژیێ ب ھەمی لایەن و پرس و ئامارا و ھوکارێن ژێک ڤەبونێ ھاتە تاوتێ کرن ،ژمارەک ژ راسپاردە و پێشنیار ژ لایێ ئامادە بویان و ئەندامێن ئەنجومەنی ھاتنە گوتن و داخاز ژ لایەنێن حکومی کر ب رژدی کار ل سەر بکەن.
ئەنجومەنێ گەنجێن سەرکردە ل سێمێل ئێکە ژ وان ئەنجومەنێن رێکخراوا ئاشتی و ئازادی سەرپەرشتیا وان دکەت کو ژ ژمارەک گەنجێن خوبەخش ل قەزا سێمێل پێک دئێن کو ئامانجا وان بو پتر پێشفەبرنا شیانێن گەنجا و بەشداریکرن د بریارا دایە.
سێمیل ئێک ژ قەزایێن دھوکێ یە ب دیراتیا ١٦ کم ژ باژێرێ دھوکێ دکەڤیتە روژئاڤایێ دھوکێ سەر رێکا گشتی یا دھوک-زاخو
